రైతు సంక్షేమమే ప్రభుత్వ ధ్యేయం – పరిగి ఎమ్మెల్యే టీఆర్ఆర్

జనం న్యూస్ జూలై 16, వికారాబాద్ జిల్లా పూడూరు మండల కేంద్రంలోని పీఎసీఎస్ కార్యాలయంలో పీఎసీఎస్ చెర్మన్ పట్లోళ్ల రఘునాథ్ రెడ్డి ఆధ్వర్యంలో మండలంలోని పలు గ్రామాలకు చెందిన రైతులకు సుమారు రూ.40 లక్షల విలువైన గోల్డ్ లోన్ & ల్టీ లోన్ చెక్కులను పరిగి ఎమ్మెల్యే, టీపీసీసీ ట్రైనింగ్ కమిటీ చైర్మన్ డాక్టర్ టి.రామ్మోహన్ రెడ్డి స్థానిక నాయకులు, ప్రజాప్రతినిధులతో కలిసి పంపిణీ చేశారు.అనంతరం ఎమ్మెల్యే రైతులకు యూరియా ఎరువుల బస్తాలను పంపిణీ చేశారు. ఈ సందర్భంగా ఎమ్మెల్యే మాట్లాడుతూ,, రైతుల అభివృద్ధికి సహకార సంఘాలు అందిస్తున్న రుణ సదుపాయాలు ఎంతో ఉపయోగపడతాయని అన్నారు. రైతులు ఈ రుణాలను సద్వినియోగం చేసుకుని వ్యవసాయాభివృద్ధికి నియోగించుకోవాలని సూచించారు.రైతు సంక్షేమమే రాష్ట్ర ప్రభుత్వ లక్ష్యమని పేర్కొన్నారు.రైతులకు అవసరమైన ఎరువులు సకాలంలో అందేలా చర్యలు తీసుకుంటున్నామని,వ్యవసాయానికి ఎలాంటి ఇబ్బందులు తలెత్తకుండా ప్రభుత్వం కట్టుబడి పని చేస్తోందని తెలిపారు. ఈ కార్యక్రమంలో పీఎసీఎస్ చైర్మన్ పట్లోళ్ల రఘునాథ్ రెడ్డి ,ఆత్మ కమిటీ చైర్మన్ శ్రీనివాస్ రెడ్డి ,వైస్ చైర్మన్ లు,పీఎసీఎస్ పాలకవర్గ సభ్యులు,ప్రజాప్రతినిధులు,అధికారులు,కాంగ్రెస్ నాయకులు,స్థానిక నాయకులు, రైతులు తదితరులు పాల్గొన్నారు.