జనం న్యూస్ నవంబర్ 07:నిజామాబాద్ జిల్లా, బాల్కొండ నియోజకవర్గ ప్రజలకు మాజీ మంత్రి, ఎమ్మెల్యే వేముల ప్రశాంత్ రెడ్డి దీపావళి పండుగ శుభాకాంక్షలు తెలిపారు. చెడుపై మంచి సాధించిన విజయానికి, చీకటిపై వెలుగు సాధించిన విజయానికి ప్రతీకగా దీపావళి పండుగ నిలుస్తుందని పేర్కొన్నారు. ఈ పర్వదినం ప్రతి ఒక్కరి జీవితాల్లో నూతన వెలుగులు నింపాలని ఆకాంక్షించారు. ప్రజల ప్రతి ఇంటా ఆనందం, సంతోషం, సిరిసంపదలు వెల్లివిరియాలని, ఆయురారోగ్యాలతో కుటుంబ సభ్యులందరూ సుఖసంతోషాలతో పండుగను జరుపుకోవాలని కోరారు. నిజామాబాద్ జిల్లా ప్రజలు, బాల్కొండ నియోజకవర్గ ప్రజలు సుఖశాంతులతో, సౌభాగ్యాలతో వర్ధిల్లాలని, అందరి జీవితాల్లో దీపావళి వెలుగులు నిండాలని మనస్ఫూర్తిగా ఆకాంక్షించారు.
