జనం న్యూస్ అక్టోబర్ 15 నడిగూడెం
ఉపాధి కూలీలకు వంద రోజుల పని దినాలను కలిపించేందుకు ప్రణాళిక బద్ధంగా గ్రామాలలో పనులను గుర్తించాలని ఎంపీడీవో మల్సూర్ నాయక్ తెలిపారు.బుధవారం నడిగూడెం మండల వ్యాప్తంగా అన్ని గ్రామ పంచాయతీలలో 2025-26 ఆర్థిక సంవత్సరానికి గ్రామాల్లో చేపట్టే ఉపాధి పనులపై గ్రామ సభ నిర్వహించారు. నడిగూడెం గ్రామ పంచాయతీ కార్యాలయంలో పంచాయతీ కార్యదర్శి ఎలక ఉమారాణి అధ్యక్షతన నిర్వహించిన గ్రామ సభలో ఎంపీడీవో పాల్గొని మాట్లాడారు.గ్రామ సభలో టి ఏ అంజిరెడ్డి, ఫీల్డ్ అసిస్టెంట్ పద్మ, నాయకులు దున్నా శ్రీనివాస్,దున్నా లింగయ్య, మిడిసిన మెట్ల శేఖర్, గ్రామ పంచాయతీ కార్యదర్శులు,ఉపాధి కూలీలు పాల్గొన్నారు.