జనం న్యూస్- నవంబర్ 29- నాగార్జునసాగర్ టౌన్ రిపోర్టర్-
నందికొండ మున్సిపాలిటీ పరిధిలో బిఆర్ఎస్ పార్టీ ఆధ్వర్యంలో ఘనంగా దీక్ష దివస్ ను పైలాన్ కాలనీ అమరవీరుల స్తూపం వద్ద నిర్వహించారు. బిఆర్ఎస్ పార్టీ అధినేత కెసిఆర్ చిత్రపటానికి పాలాభిషేకం చేశారు. నవంబర్ 29 2009వ సంవత్సరంలో కెసిఆర్ దీక్ష చేకూరి తెలంగాణ వ్యాప్తంగా లక్షలాదిమంది పోరాటంతో తెలంగాణ రాష్ట్రం ఆవిర్భవించిందని, కెసిఆర్ ఆమరణ నిరాహార దీక్ష చేపట్టకపోతే తెలంగాణ వచ్చేది కాదని, కెసిఆర్ తన ఉద్యమ స్ఫూర్తితో అప్పటి కేంద్ర ప్రభుత్వం మెడలు వంచి తెలంగాణ రాష్ట్రాన్ని సాధించి పెట్టారని కొనియాడారు. ఈ కార్యక్రమంలో తెలంగాణ మలిదశ ఉద్యమకారులు మాజీ కౌన్సిలర్ రమేష్ జి, సీనియర్ నాయకులు సయ్యద్ గౌస్, సయ్యద్ మక్షుద్, మునావత్ లక్ష్మణ్ నాయక్, చంద్రమౌళి నాయక్, నకరికంటి సైదులు, దేశ్య నాయక్, రామస్వామి, హనుమంతు, పల్లవోలు శీను, మందా శాంత, వెంకోజి, సిరికొండ మధు, షేక్ రఫీ, షేక్ షరీఫ్, షేక్ నజీర్, షేక్ గని,పి శివ నాగులు,పి సత్యనారాయణ తదితరులు పాల్గొన్నారు.