జనం న్యూస్,నవంబర్ 30,అచ్యుతాపురం:
నెల్లూరు పట్టణంలో డ్రగ్స్,గంజాయి వంటి మత్తు పదార్థాలను నివారించాలని యువతను చైతన్య పరుస్తున్న కళాకారుడు సిపిఎం కార్యకర్త కె పెంచలయ్యను గంజాయి బ్యాచ్ అతి దారుణంగా కత్తులతో దాడి చేసి హత్య చేశారని, ఇటువంటి హత్యలను ప్రజానీకం అందరూ ఖండించాలని సీపీఎం ఆధ్వర్యంలో ఈరోజు పూడిమడక గ్రామంలో నిరసన తెలిపారు. ఈ సందర్భంగా సీపీఎం అచ్యుతాపురం కన్వీనర్ ఆర్. రాము,పూడిమడక శాఖ కార్యదర్శి చేపల తాతయ్య మాట్లాడుతూ యువత మత్తు పదార్థాల జోలికి వెళ్లకుండా ఉండాలని పోలీస్ యంత్రాంగంతో కలిసి చైతన్య పరుస్తున్న పెంచలయ్య పై అతి దారుణంగా కత్తులతో తన పిల్లల ముందే నరికి చంపడం అత్యంత దుర్మార్గం ఇటువంటి వారిపై ప్రభుత్వం కఠిన చర్యలు తీసుకొని విచ్చలవిడిగా చలామణి అవుతున్న డ్రగ్స్, గంజాయి వంటి మత్తు పదార్థాలను నివారించి యువతను,ప్రజలను కాపాడాలని కోరారు. ఈ కార్యక్రమంలో చోడపల్లి ఎల్లయిడు,అంగా రవి తదితరులు పాల్గొన్నారు.