బిచ్కుంద ఏప్రిల్ 14 జనం న్యూస్ జుక్కల్ నియోజకవర్గం రిపోర్టర్ లక్ష్మణ్
రాజ్యాంగ నిర్మాత, భారతరత్న డాక్టర్ బి.ఆర్ అంబేద్కర్ జయంతి సందర్భంగా. కాంగ్రెస్ పార్టీ సీనియర్ నాయకుడు మల్లికార్జున్ అప్ప బిచ్కుంద మండల కేంద్రంలో అంబేద్కర్ చౌరస్తాలో ఆ మహానీయుని విగ్రహానికి పూలమాల వేసి ఘనంగా నివాళులు అర్పించారు.. దేశ ప్రజలకు బాబా సాహెబ్ అంబేద్కర్ సూచించిన మార్గం ఎప్పటికీ ఆదర్శప్రాయమైనదిగా నిలిచిపోతుందని, భారతదేశం గొప్ప ప్రజాస్వామ్య, గణతంత్ర, లౌకిక రాజ్యంగా వికసించడంలో అంబేద్కర్ గారు ఎనలేని కృషి చేశారన్నారు.. దేశానికి ఆయన అందించిన సేవలు నిరుపమానమని, అసమానతలు లేని సమాజం కోసం ఆయన అనునిత్యం పరితపించారన్నారు. అంబేద్కర్ గారి స్ఫూర్తితో ప్రజా సంక్షేమమే లక్ష్యంగా పెట్టుకుని ప్రజా ప్రభుత్వం పనిచేస్తుందని చెప్పారు.. అంబేద్కర్ గారి జయంతి సందర్భంగా ఆ మహనీయుడి సేవలను స్మరించుకుంటూ ఆయన ఆశయ సాధన కోసం ప్రతి ఒక్కరం కృషి చేద్దామన్నారు. ఈ కార్యక్రమంలో కాంగ్రెస్ పార్టీ అధ్యక్షుడు గంగాధర్, తుకారం ,బొగుడ మీద సాయిలు, సీమ గంగారం, ఓం ప్రకాష్ సాయిని అశోక్ , ఖలీల్ , గౌస్ సైట్ , మాజీ జెడ్పిటిసి నాగనాథ్ , నాగరాజ్ కాంగ్రెస్ పార్టీ సీనియర్ కార్యకర్తలు తదితరులు పాల్గొన్నారు
