జుక్కల్ నవంబర్ 27 జనం న్యూస్
కామారెడ్డి జిల్లా జుక్కల్ నియోజకవర్గంలోని నిజాంసాగర్, మహ్మద్ నగర్, పిట్లం మండల లో బి ఆర్ఎస్ నాయకులు, కార్యకర్తలతో జరిగిన సమావేశంలో మాజీ హన్మంత్ షిండే మాట్లాడారు.ఆయన మాట్లాడుతూ—
“మన కెసిఆర్ ప్రభుత్వంలో జరిగిన సంక్షేమ–అభివృద్ధి కార్యక్రమాలు ప్రజలు మరచే పరిస్థితే లేదు. ప్రతి కుటుంబానికీ చేరే విధంగా అభివృద్ధి జరిగింది.కాని కాంగ్రెస్ ప్రభుత్వం అధికారంలోకి వచ్చిన తర్వాత ఒక్క అభివృద్ధి పనిని కూడా చేపట్టలేదు. ప్రజలను మోసం చేసి, తప్పుడు హామీలతో అధికారం లోకి వచ్చిన ప్రభుత్వం ఇదే.”అలాగే ఆయన మరింతగా“మనమంతా ఏకం కావాలి. రానున్న స్థానిక సంస్థల ఎన్నికల్లో కాంగ్రెస్ పార్టీకి ప్రజలే బుద్ధి చెప్పేలా నిలబడాలి. మన బి ఆర్ఎస్ పార్టీ సర్పంచ్ అభ్యర్థులను భారీ మెజారిటీతో గెలిపించాలి. ఇది ప్రజల అభివృద్ధికోసం, మన భవిష్యత్తుకోసం తీసుకోవాల్సిన నిర్ణయం.” అని అన్నారు.ఈ కార్యక్రమంలో మాజీ జడ్పీ చైర్మన్ దాపేదర్ రాజు, మాజీ ఎంపీపీలు, మాజీ జడ్పీటీసీలు, మాజీ సర్పంచ్‌లు, వార్డ్ సభ్యులు, నాయకులు, కార్యకర్తలు భారీ సంఖ్యలో పాల్గొన్నారు.
