Listen to this article

జనం న్యూస్‌ 28 నవంబర్‌, విజయనగరం టౌన్‌ రిపోర్టర్‌ గోపికృష్ణ పట్నాయక్‌

ఈ రోజు విజయనగరం జిల్లాలో ఎస్ఎఫ్ఐ 33 వ జిల్లా మహాసభలు కాంప్లెక్స్ నుండి వేలాది మంది విద్యార్థులతో ర్యాలీ నడిచింది. గురజాడ కళాభారతి నందు అతి భారీ బహిరంగ సభ నిర్వహించుకోవడం జరిగింది.ఈ బహిరంగ సభ కు అధ్యక్షులు గా ది. రాము వ్యవహరించారు.ఈ 33 వ జిల్లా మహాసభలకు ఆల్ ఇండియా సహాయ కార్యదర్శి కామ్రేడ్ ఐషి గోష్ హాజరయ్యారు. మహాసభ సందర్భంగా బహిరంగ సభను ఉద్దేశించి కామ్రేడ్ ఐషి గోష్ మాట్లాతూ, భారతదేశంలో విద్య పైన సామూహిక దాడి జరుగుతుంది. కేంద్ర ప్రభుత్వం నూతన విద్యా విధానాన్ని ప్రవేశపెట్టి చాలామంది పేద విద్యార్థులకు విద్యను దూరం చేస్తూ వస్తుంది. స్వాతంత్రం వచ్చి దాదాపుగా 78 సంవత్సరాలు అవుతున్న భారతదేశంలో సరైన పాఠశాల లేక, సరైన సౌకర్యాలు లేక అనేకమంది విద్యార్థులు చనిపోతున్నారు. నిన్న పార్వతీపురంలో విస్తృత పర్యటన చేశాను. గుమ్మలక్ష్మీ పురం లో సరైన సౌకర్యా లేక ఎనిమిది మంది విద్యార్థులు చనిపోవడం దురదృష్టకరం. అదే విధంగా బిజెపి పాలిత రాష్ట్రాలైన మహారాష్ట్ర, ఉత్తర ప్రదేశ్ లో దాదాపుగా 77 వేల ప్రభుత్వ పాఠశాలలో మూసివేశారు. అదేవిధంగా ఈరోజు మన మీదనా చాలా పెద్ద బాధ్యత ఉంది. దేశంలో రాష్ట్రంలో విద్యను నాశనం చేస్తున్నటువంటి ఎన్డీఏ ప్రభుత్వాన్ని మనం అడ్డుకోవాల్సి ఉంది. అదేవిధంగా భారతదేశంలో సెంట్రల్ యూనివర్సిటీలో ఎప్పటికప్పుడు యూనివర్సిటీ ఎలక్షన్స్ లో ఎస్ఎఫ్ఐ ప్యానెల్ నెగ్గుతోనే వస్తుంది. భారతదేశంలో రాజ్యాంగం మీద డెమోక్రసీ మీద చాలా పెద్ద ఎత్తున దాడులు జరుగుతున్నాయి. ఈ దేశం ను విశ్వ గురు నరేంద్ర మోడీ ప్రధాని అంబానీ లకు తాకట్టు పెడుతున్నాడు. దేశంలో ఉన్నటువంటి సహజ సంపదలను వాళ్లకు దోచిపెడుతున్నాడు. దీనికి ఉదాహరణ మణిపూర్ లో జరుగుతున్నటువంటి మారణకాండ. విశ్వ గురు అంటూ చెప్పుకు తిరుగుతున్న మోడీ అనేక దేశాలు పర్యటించిన మణిపూర్ ఇప్పటికే రగులుతుంది మణిపూర్ కూడా భారతదేశం లోనే భాగం కానీ ఇప్పటివరకు మణిపూర్ ను సందర్శించలేదు. ఎస్ఎఫ్ఐ రాష్ట్ర అధ్యక్షుడు కామ్రేడ్ పి రామ్మోహన్ గారు మాట్లాడుతూ. ఈ రాష్ట్రంలో విద్యకు పెద్దపీట వేస్తామని చెప్పి అధికారంలోకి వచ్చినటువంటి ఎన్డీఏ కూటమి ఈరోజు ప్రజల సొమ్ముతో కట్టినటువంటి మెడికల్ కళాశాలను నిర్వీర్యం చేసి ప్రైవేట్ వాళ్లకు అప్పనంగా అప్పజెప్తున్నారు, అదేవిధంగా ఈ విజయనగరం జిల్లాలో ఎస్ఎఫ్ఐ పోరాటాలు చేసి డిగ్రీ కళాశాలను సాధించుకుంది. అదే డిగ్రీ కళాశాలలో అడ్మిషన్ స్టార్ట్ చేయాలని చెప్పి అనేక పోరాటాలు చేసింది, అదే డిగ్రీ కళాశాలకు సొంత భవనం కావాలని చెప్పి అనేక పోరాటాలు చేస్తున్నారు. ప్రజా ప్రతినిధులు అధికారుల నిమ్మకు నీరు ఎత్తినట్లు వ్యవహరిస్తున్నారు. ఈ విజయనగరం జిల్లా పోరాటాల కిల్లా పోరాడి సాధించుకోవడంలో ఎంతవరకైనా తెగిస్తుంది దానికి ఉదాహరణ జిల్లా వ్యాప్తంగా సైకిల్ యాత్ర చేసి జిల్లాలో ఉన్నటువంటి విద్యారంగ సమస్యలను పోరాట సాధించుకుంది. అదేవిధంగా జిల్లా కార్యదర్శి సిహెచ్ వెంకటేష్, జిల్లా గర్ల్స్ కన్వీనర్ ఆర్ శిరీష మాట్లాడుతూ జిల్లావ్యాప్తంగా సంక్షేమ హాస్టల్లో సరైన సదుపాయాలు లేక విద్యార్థులు అనేకమైన ఇబ్బందులు గురవుతున్నారు. ప్రభుత్వాలు మాత్రం కల్లబొళ్ళు మాటలు చెబుతూ కాలాన్ని వెల్లబుచ్చుతున్నారు. ఈ విజయనగరం జిల్లాలో ఎస్ఎఫ్ఐ పోరాడి సాధించుకున్న డిగ్రీ కళాశాలను నెల్లిమర్ల లో పెట్టారు. ఈరోజు జిల్లా కేంద్రంలో ప్రభుత్వ డిగ్రీ కళాశాల నిర్వీర్యం చేసినందుకు ఇది ప్రభుత్వం చేసిన కుట్ర. అదేవిధంగా పెండింగ్ లో ఉన్న స్కాలర్షిప్లు దాదాపుగా 6400 కోట్లు ఉన్నాయి, అదేవిధంగా మెడికల్ కళాశాలలో ప్రభుత్వం చేయాలి ఈరోజు పి పి పి పేరుట మెడికల్ కళాశాలలో నిర్వీర్యం చేస్తుంది. ఈ బహిరంగ సభలో జిల్లా కార్యవర్గం జిల్లా కమిటీ మెంబర్స్ వేలాది మంది విద్యార్థులు పాల్గొన్నారు. తర్వాత ఎస్ఎఫ్ఐ జిల్లా అధ్యక్షుడు డి రాము ఫ్లాగ్ హోస్టింగ్ తో ప్రారంభించారు. మహాసభలు ఉద్దేశించి ఆల్ ఇండియా సహాయ కార్యదర్శి ఐషి ఘోష్, ఎస్ఎఫ్ఐ రాష్ట్ర అధ్యక్షులు రామ్మోహన్ రావు ఉపన్యాసం ఇచ్చారు, తర్వాత ఎస్ఎఫ్ఐ జిల్లా కార్యదర్శి రిపోర్టును ప్రవేశపెట్టారు. ఈ మహాసభలో ఎస్ఎఫ్ఐ జిల్లా ఉపాధ్యక్షులు వి చిన్న బాబు ,జే రవికుమార్, ఎం వెంకీ ,పి రమేష్ సహాయ కార్యదర్శులు శిరీష, వంశీ ,రాజు ,సోమేష్ తదితరులు పాల్గొన్నారు.