జనం న్యూస్,నవంబర్ 28,అచ్యుతాపురం: జ్యోతిరావు పూలే వర్ధంతి సందర్భంగా అచ్యుతాపురంలో జ్యోతి రావు పూలే విగ్రహానికి మాజీ ప్రభుత్వ విప్,మాజీ ఎమ్మెల్యే ఎలమంచిలి నియోజకవర్గ సమన్వయకర్త కరణం ధర్మశ్రీ మరియు వైయస్సార్ కాంగ్రెస్ పార్టీ అనకాపల్లి పార్లమెంట్ నియోజకవర్గ సమన్వయకర్త అరకు పార్లమెంట్ పరిశీలకులు బొడ్డేడ ప్రసాద్ పూలమాలవేసి నివాళులర్పించారు.ఈ సందర్భంగా వారు మాట్లాడుతూ భారత సామాజిక తత్వవేత్త జ్యోతిబా పూలే కుల వ్యవస్థకు వ్యతిరేకంగా, అణచివేతకు గురవుతున్న ప్రజల తరపున జీవితాంతం పోరాడారని,1827 ఏప్రిల్ 11న మహారాష్ట్రలో పూలే జన్మించారు. ఆయన తండ్రి గోవిందరావు పీష్వాల కాలంలో పూల వ్యాపారం చేయడం వల్ల ఫూలే అని పేరు వచ్చిందని అన్నారు.కులం, వర్గం, ప్రాంతం, లింగం తదితర వివక్షతలకు అవిధ్యే కారణమని భావించి, తన భార్య సావిత్రిని చదివించడం జరిగిందని అన్నారు.దేశంలో అణచివేతకు గురవుతున్న మహిళలోకానికి అక్షర లోకాన్ని చూపించి మహిళా జ్యోతులుగా తీర్చిదిద్దిన మహోన్నతమైన వ్యక్తి మహాత్మ జ్యోతిరావు ఫూలే అని అన్నారు.ఈ కార్యక్రమంలో అచ్యుతాపురం సర్పంచ్ కూండ్రపు విమలా నాయుడు, ఎంపీపీ కోన సంధ్య బుజ్జి, వైసీపీ నాయకులు తదితరులు పాల్గొన్నారు.