విజయనగరం జిల్లా ఎస్పీ ఎ.ఆర్.దామోదర్, ఐపీఎస్
జనం న్యూస్‌ 30 నవంబర్, విజయనగరం టౌన్‌ రిపోర్టర్‌ గోపికృష్ణ పట్నాయక్‌
జిల్లా ఎస్పీ ఆదేశాలతో విజయనగరం పట్టణంలో ముందుగా గుర్తించిన 150 ప్రాంతాల్లో ప్రత్యేకంగా వాహన తనిఖీలు చేపట్టిన పోలీసు అధికారులు, సిబ్బంది.వాహన తనిఖీలను స్వయంగా పర్యవేక్షించిన విజయనగరం జిల్లా ఎస్పీ ఎ.ఆర్.దామోదర్, ఐపీఎస్.సాయంత్రం 4 నుండి 8 గంటల వరకు వాహనాలను తనిఖీ చేసిన సుమారు 1000మంది ప్రత్యేక పోలీసులు.విజయనగరం పట్టణంలో నవంబర్ 29న ముందుగా గుర్తించిన 150 ప్రాంతాల్లో సాయంత్రం 4 గంటల నుండి 8 గంటల వరకు ఆకస్మికంగా వాహన తనిఖీలు చేపట్టినట్లుగా జిల్లా ఎస్పీ ఎ.ఆర్.దామోదర్ తెలిపారు. డీఎస్పీల ఆధ్వర్యంలో పట్టణంలో ప్రత్యేకంగా చేపట్టగా, జిల్లా ఎస్పీ ఎ.ఆర్.దామోదర్ తనిఖీలను స్వయంగా పర్యవేక్షించారు. రహదారి భద్రత పట్ల ప్రజలకు అవగాహన కల్పించడం, నిబంధనలకు విరుద్ధంగా వాహన పత్రాలు సక్రమంగా లేని వాహనాలను సీజ్ చేయడం, హెల్మెట్ ధరించని వారిపై కేసులు నమోదు చేయడం జరిగిందన్నారు.ఎస్పీ దామోదర్ ముఖ్య విషయాలు జిల్లా ఎస్పీ ఎ.ఆర్.దామోదర్ మాట్లాడుతూ సిబ్బంది వినియోగం: ఈ తనిఖీల్లో ఇద్దరు అడిషనల్ ఎస్పీలు, 5గురు డీఎస్పీలు, 30మంది సీఐలు, 100 మంది ఎస్ఐలతో సహా సుమారు 1000 మంది సిబ్బందిని వినియోగించామన్నారు.సీజ్ చర్యలు: రికార్డులు సక్రమంగా లేని వాహనాలను సీజ్ చేస్తామన్నారు. నిబంధనలకు విరుద్ధంగా సైలెన్సర్లను మార్పులు చేసి, శబ్ద కాలుష్యానికి కారణమవుతున్న వాహనాలను కూడా సీజ్ చేస్తామన్నారు.కేసుల నమోదు: మైనర్ డ్రైవింగ్, హెల్మెట్ ధరించకుండా ద్విచక్ర వాహనాలు నడిపిన వారిపైన కేసులు నమోదు చేస్తామని తెలిపారు.హెల్మెట్ ప్రాధాన్యత: వాహనదారులకు రహదారి భద్రత పట్ల అవగాహన కల్పించి, హెల్మెట్ ధారణ ఎంత ప్రయోజనకరమో వివరించామన్నారు. “తల్లి జన్మనిస్తే హెల్మెట్ పునర్జన్మనిస్తుంది” అని ఆయన హెల్మెట్ ప్రాధాన్యతను వివరించారు.డ్రంకన్ డ్రైవ్: మద్యం సేవించి వాహనాలు నడిపిన 50మందికి జైలుశిక్ష విధించే విధంగా చర్యలు చేపట్టామన్నారు.ప్రమాద నివారణ: ప్రమాదాలు జరగకుండా లైన్ డిపార్ట్‌మెంట్స్ సహకారంతో రహదారుల ప్రక్కన ఉన్న మొక్కలను తొలగిస్తున్నామని, ప్రమాదాలకు కారణమవుతున్న రహదారులను గుర్తించి, మరమ్మత్తులు చేపట్టే విధంగా చర్యలు చేపడుతున్నామని చెప్పారు.గోల్డెన్ అవర్, ప్రోత్సాహకాలు జిల్లా ఎస్పీ పట్టణంలో మయూరి జంక్షన్, ఆర్టీసీ కాంప్లెక్స్, బాలాజీ జంక్షన్, గంట స్తంభం, మూడు లాంతర్లు, కోట జంక్షన్ వద్ద వాహన తనిఖీలను స్వయంగా పర్యవేక్షించారు.రహదారి ప్రమాదాలు జరిగిన సమయంలో బాధితుల ప్రాణాలను కాపాడేందుకు గోల్డెన్ అవర్లో ఆసుపత్రికి తరలించినట్లయితే, వారిని ప్రభుత్వం గుర్తించి, రూ. 5వేలు నగదును ప్రోత్సాహకంగా అందిస్తుందని, వారిపై ఎటువంటి వేధింపులు ఉండవని జిల్లా ఎస్పీ ఎ.ఆర్.దామోదర్ స్పష్టం చేశారు.ఈ తనిఖీల్లో అదనపు ఎస్పీ పి.సౌమ్యలత, ఏఆర్ అదనపు ఎస్పీ జి.నాగేశ్వరరావు, డీఎస్పీలు ఆర్.గోవిందరావు, జి.భవ్య రెడ్డి, ఎస్.రాఘవులు, డీపీడీసీ డీఎస్పీ వీరకుమార్, పలువురు సీఐలు, ఆర్ఐలు, ఎస్ఐలు, ఆర్ఎస్ఐలు, సిబ్బంది పాల్గొన్నారు.