జనం న్యూస్, ఫిబ్రవరి 12 – తెలంగాణ స్టేట్ ఇన్చార్జి శ్రీనివాస్ రెడ్డి
ప్రజల మధ్యే రాజకీయాలు చేయాలని నమ్మే నాయకుడు, జనసేన పార్టీ కూకట్పల్లి నియోజకవర్గం నుంచి కంటెస్టెడ్ ఎమ్మెల్యేగా పోటీ చేసిన ముమ్మారెడ్డి ప్రేమ కుమార్ పుట్టినరోజు వేడుకలు కెపిహెచ్బి కాలనీ 5వ ఫేజ్లోని జనసేన పార్టీ కార్యాలయంలో ఉత్సాహంగా, ఆత్మీయ వాతావరణంలో నిర్వహించబడ్డాయి. ఒక రాజకీయ నాయకుడి పుట్టినరోజు అంటే కేవలం శుభాకాంక్షల కార్యక్రమం మాత్రమే కాదు – ఆయనపై ప్రజలకు ఉన్న అభిమానానికి ప్రతిబింబం అని ఈ వేడుకలు మరోసారి చాటిచెప్పాయి.ఉదయం నుంచే కార్యాలయం వద్ద జనసైనికులు, వీర మహిళలు, మిత్రులు, శ్రేయోభిలాషులు పెద్ద సంఖ్యలో చేరుకున్నారు. పార్టీ జెండాలతో, నినాదాలతో కార్యాలయ ప్రాంగణం కళకళలాడింది. ప్రేమ కుమార్ కేక్ కట్ చేయగా కార్యకర్తలు హర్షధ్వానాలతో శుభాకాంక్షలు తెలిపారు.వివిధ రాజకీయ పార్టీల నాయకులు, కాలనీ వాసులు, వెల్ఫేర్ అసోసియేషన్ ప్రతినిధులు ప్రత్యేకంగా హాజరై శాలువాలు కప్పి, పూలమాలలు వేసి, పూల బొకేలు అందజేసి అభినందనలు తెలిపారు. రాజకీయ విభేదాలు పక్కనబెట్టి పలువురు నాయకులు హాజరుకావడం ప్రేమ కుమార్ వ్యక్తిత్వానికి నిదర్శనమని స్థానికులు అభిప్రాయపడ్డారు.ఈ సందర్భంగా మాట్లాడిన ప్రేమ కుమార్, తనపై చూపుతున్న ప్రేమాభిమానాలకు కృతజ్ఞతలు తెలిపారు. ఫోన్ ద్వారా, ప్రత్యక్షంగా, పరోక్షంగా, వివిధ ప్రచార మాధ్యమాల ద్వారా శుభాకాంక్షలు తెలిపిన ప్రతి ఒక్కరికీ పేరుపేరున ధన్యవాదాలు తెలిపారు. “ప్రజల ఆశీస్సులు నాకు మరింత బాధ్యతను గుర్తుచేస్తాయి. కూకట్పల్లి అభివృద్ధి కోసం ఎల్లప్పుడూ మీతోనే ఉంటాను” అని అన్నారు.పదేళ్ల రిపోర్టింగ్ అనుభవంలో చూసిన అనేక రాజకీయ వేడుకల మధ్య, ఈ కార్యక్రమంలో కనిపించిన కార్యకర్తల అనుబంధం, ప్రజల సాన్నిహిత్యం ప్రత్యేకంగా కనిపించాయి. నాయకుడి చుట్టూ అభిమానులు కాదు, ఒక కుటుంబంలా నిలబడిన జనసేన శ్రేణులు ఈ వేడుకను మరింత అర్థవంతంగా మార్చాయి.
