జనం న్యూస్ ఏప్రిల్ 2 ముమ్మిడివరం ప్రతినిధి గ్రంధి నానాజీ
ఆంధ్రప్రదేశ్ ఏకైక రాజధానిగా అమరావతిని గుర్తిస్తూ భారత పార్లమెంటు చట్టం చేయడం చారిత్రాత్మకమని మాజీ మున్సిపల్ చైర్మన్ చిక్కాల గణేష్ కొనియాడారు. రాజధానిగా అమరావతికి చట్టబద్ధత లభించిన ఈ శుభ సందర్భంలో ఆయన ఆంధ్ర ప్రజలందరికీ హృదయపూర్వక శుభాకాంక్షలు తెలిపారు.రాజధానిని అడ్డుకోవాలని అనేక కుతంత్రాలు జరిగినప్పటికీ, 1631 రోజుల పాటు మొక్కవోని దీక్షతో, అచంచలంగా పోరాటం చేసిన అమరావతి మహిళామణులకు ఈ గొప్ప విజయాన్ని అంకితం చేస్తున్నట్లు చిక్కాల గణేష్ పేర్కొన్నారు. వారి త్యాగం, పట్టుదలే నేడు ఈ విజయానికి బలమైన పునాదిగా నిలిచాయని కొనియాడారు.
కూటమి నాయకత్వానికి కృతజ్ఞతలు ఆంధ్రుల భవిష్యత్తు కోసం అలుపెరగని కృషి చేసిన నాయకత్వానికి ఆయన ధన్యవాదాలు తెలిపారు:
నారా చంద్రబాబు నాయుడు: రాజధాని అంశంపై నమ్మకంతో నిలబడి, పార్లమెంటులో చట్టబద్ధం చేయడంలో కీలక పాత్ర పోషించినందుకు.నరేంద్ర మోదీ: ఎన్డీఏ ప్రభుత్వం ద్వారా ఆంధ్రుల ఆకాంక్షను నెరవేర్చినందుకు.పవన్ కల్యాణ్, నారా లోకేష్: ప్రజా పక్షాన నిలబడి ఈ పోరాటంలో మద్దతుగా నిలిచినందుకు. పార్లమెంటుకు ప్రత్యేక ధన్యవాదాలు అమరావతిని శాశ్వత రాజధానిగా గుర్తిస్తూ చట్టం చేసిన పార్లమెంటు సభ్యులకు, రాజ్యసభ సభ్యులకు ఆయన ప్రత్యేక కృతజ్ఞతలు తెలిపారు. గత ప్రభుత్వ హయాంలో నెలకొన్న అనిశ్చితిని తొలగించి, ఆంధ్రప్రదేశ్ అభివృద్ధికి ఈ చట్టం బాటలు వేస్తుందని ఆశాభావం వ్యక్తం చేశారు.”అమరావతి అనేది కేవలం ఒక ప్రాంతం కాదు, అది ఐదు కోట్ల ఆంధ్రుల ఆత్మగౌరవం. ఈ రోజుతో రాజధానిపై ఉన్న అన్ని అడ్డంకులు తొలగిపోయాయి.” మాజీ మున్సిపల్ చైర్మన్ చిక్కాల గణేష్